உறக்கத்தில் சிறுநீர் கழிக்கும் குழந்தைகளுக்கான அறிவுரை

உறங்கும் நேரத்திற்கான சரிபார்ப்பு பட்டியலைப் பின்பற்ற வேண்டிய நேரம் இது:

• பகல் நேரத்தில் சரியான முறையில் நீர் அருந்த முயற்சி செய்யுங்கள்- இச்சமயத்தில், பெரும்பாலான நீர் சமமான அளவில் உடலில் பரவுகிறது, அவர்கள் என்ன அருந்த வேண்டும் என்பதைப் பற்றி சிந்திக்கும் அதே வேளையில் - உறங்கும் நேரத்தில் நீர் அருந்துவதற்கான சிறந்த வழக்கத்தையும் கடைபிடிக்க முயற்சி செய்யுங்கள். ஒவ்வொரு நாள் இரவும் உறங்குவதற்கு ஒரு மணிநேரத்திற்கு முன்பே நீர் அருந்துவதை நிறுத்துங்கள், அதன் பிறகு காலை வரை நீர் அருந்த வேண்டாம்.
• உறங்கும் நேரத்தின் போது சிறுநீர் கழிப்பதற்கான சிறந்த வழக்கத்தைக் கடைபிடிக்க முயற்சி செய்யுங்கள். உறங்க தயாராவதன் ஒரு பகுதியாக சௌகரியமான முறையில் அமர்ந்து சிறுநீர் கழிப்பது குறித்து திட்டமிடுங்கள், சிறுநீர் கழித்து 1/2 மணிநேரத்திற்கு மேல் ஆகியிருந்தால் உறங்குவதற்கு சற்று முன்பு மீண்டும் கழிப்பறைக்குச் செல்லுங்கள்.
• நாப்கின்கள் அணியாமலும் முயற்சிசெய்து பாருங்கள். நாப்கின்களில் எப்போதும் சிறுநீர் கழித்து இருந்தால், குறைந்தது ஒரு வாரத்திற்கும் அதிகபட்சமாக இரண்டு வாரங்களுக்கும் அவர்களை நாப்கின்கள் அணியாமல் இருக்க செய்து பார்க்கவும், நாப்கின்களை அணிந்தே உறங்கி வந்தால், உங்கள் குழந்தை சிறுநீர் கழிக்கும்போது ஒருபோதும் ஈரமாக உணரமாட்டார்கள். இது அவர்கள் எழுந்திருக்க வேண்டியதற்கான தூண்டுதலாக இருக்கலாம்.
• படுக்கையைப் பாதுகாப்பாக வைத்திருங்கள். உங்கள் குழந்தை அதிகமாக சிறுநீர் கழித்தால், நீர்ப்புகா மெத்தை கவர், நீர்ப்புகா மெத்தை மற்றும் தலையணை பாதுகாப்பான்களைப் பயன்படுத்துவதன் மூலம் படுக்கை ஈரமாவது குறித்த மன அழுத்தத்தை அகற்றுங்கள். சிறுநீர் கழிப்பதைக் கட்டுப்படுத்த உறிஞ்சும் தாளைப் பயன்படுத்துங்கள். பல்வேறு வகையான படுக்கை பாதுகாப்புப் பொருட்களைப் பற்றி அறிய, ERIC இன் ஆன்லைன் ஷாப்பைப் பார்வையிடவும்.
• உங்கள் குழந்தையைத் தூங்குவதற்கு தயார்படுத்துங்கள். புத்தகத்தை வாசிப்பதன் மூலம் அல்லது விளக்குகள் குறைவான ஒளியில் வைத்து இசையைக் கேட்பதன் மூலம் தயார்படுத்தலாம். மின்னணு பொருட்களைப் பயன்படுத்த வேண்டாம் - உறங்குவதற்கு ஒரு மணிநேரத்திற்கு முன்பு டிவி, ஐபாடை பயன்படுத்தவோ கணினி விளையாட்டுகளை விளையாடவோ வேண்டாம், இல்லையேல் மூளை தவறான செய்தியைப் பெறும்.
• உங்கள் குழந்தை விழித்தெழுந்தால் தானாகவே கழிப்பறைக்குச் செல்ல பயிற்சியளியுங்கள். மிகவும் இருட்டாக இருக்காத வகையில் மென்மையான இரவு விளக்கு அல்லது டார்சை பயன்படுத்தச் செய்யுங்கள். அவர்கள் கழிப்றைக்குச் செல்ல வேண்டுமா அல்லது அவர்களின் படுக்கையறையில் சிறு சிறுநீர் கழிக்கும் தொட்டி/ வாளி / பாட்டிலைப் பயன்படுத்த வேண்டுமா என சிந்தியுங்கள். அவர் அடுக்கடுக்கான படுக்கையைப் பயன்படுத்துகிறாரா? அப்படியானால் அவர் கீழ் அடுக்கைப் பயன்படுத்துவதை உறுதிப்படுத்திக் கொள்ளுங்கள். இரவு உடைகளை மேலும் கீழும் இழுக்கவும், அவை ஈரமாகிவிட்டால் அவற்றை மாற்றவும் பயிற்சியளியுங்கள்.
• கழிப்பறைக்கு தூக்கிச் செல்வதைத் தவிர்க்கவும் - அதற்கு பதிலாக, உங்கள் குழந்தையை எழுப்பிவிட்டு, கழிப்பறைக்கு அழைத்துச் செல்லுங்கள். இது படுக்கையில் சிறுநீர் கழிப்பதைத் தடுக்க உதவுவதுடன் குழந்தை தானாக எழாத சமயத்திலும் இது அவர்களை உறக்கத்தின் போது சிறுநீர் கழிக்க ஊக்குவிக்கிறது.
• ஒவ்வொரு முயற்சிக்கும் வெகுமதி அளியுங்கள் – சரியான முறையில் நீர் அருந்துவது, உறக்க நேரத்தில் சிறுநீர் கழிப்பதை நிறுத்துவது மற்றும் இரவில் கழிப்பறையைப் பயன்படுத்துவது ஆகியவற்றிற்கான முயற்சிகளை ஊக்குவியுங்கள்.

(ஆரோக்கியமான சிறுநீர்ப்பைக்கான 4 படிநிலைகளைப் பின்பற்றிய பிறகும், உறக்க நேர சரிபார்ப்பு பட்டியலைப் பயன்படுத்தி உறக்க நேரத்திற்கான சிறந்த வழக்கத்தைப் பயிற்சி செய்த பிறகும், உறக்கத்தில் சிறுநீர் கழிப்பது தொடர்ந்தால், உறக்கத்தில் சிறுநீர் கழிப்பது தொடர்பான மருத்துவகத்தில் பொது மருத்துவர் அல்லது செவிலியரைப் பார்க்க வேண்டிய நேரமாகும். 5 வயது முதல் சிகிச்சையானது கிடைக்கிறது.)